Matius 27:51 - En Taar Weru a nunuwu' é Tontemboan

⁵¹ Sérén, eng kaéng pengakawu' si aiwérén am Balé Le'nas mawirang maperua tumo'tol an dangka' akar an darem. Wo awéan ka'i pangéro' repet akar en tolaina wawatuan maweté'.

Matius 27:51 Referans Kwoze

Markus 15:38

An tutuw itu eng kaéng pengakawu' am Balé Le'nas, mawirang maperua tumo'tol an dangka' akar an darem.

Ibrani 6:19

Em paarapenta itu ayandé tanu in jangkar keter wo aman torona i mu'kurta. Em paarapen itu makawali icita lumangkoi angé ing kaéng pengakawu', am pauntepan asi Kamar Lume'na-le'nas an sorga.

Lukas 23:45

Wo eng kaéng pengakawu' si aiwérén am Balé Le'nas pengakawu' ing Kamar Le'nas wo ing Kamar Lume'na-le'nas mawirang maperua.

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Matius 28:2

Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu.

Wahyu 11:13

An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

Ibrani 9:3

Asi kamar kataré itu awéan kaéng pengakawu' aiwérén em pauntepan asi kamar karua. Eng kamar karua itu pengatuulen Kamar Lume'na-le'nas.

Lukas 23:47

An tutuw sérén i kikiiten é suraro Romawi sapa e imamuali wo sia rumayo si Amang Kasuruan, icuana, “Si Tou anio' uli-ulit ra'ica wana kaséaan!”