Matius 26:52 - En Taar Weru a nunuwu' é Tontemboan

⁵² Wo icua i Yesus ai sia, “Iwaléo mio' sumawel en sa'belmu itu am baléna! Ampa'paan si séi maté tou maké in sa'bel, sia ka'i patén oka in sa'bel.

Matius 26:52 Referans Kwoze

Wahyu 13:10

“Si séi si aitantuo e mamuali tawanan, sia mamuali oka tawa- nan. Si séi si aitantuo patén in sa'bel sia patén oka in sa'bel.” Ampa'paan in ituo sé tou le'nas musti talesen wo le'tek maéman mandé meta'up ing kawenduan.

Roma 12:19

Poo-poow sé icaupusku, tioo pasuliin iow in léwo' sé tou mengaéma' in léwo' ai camu, taan mandéo si Amang Kasuruan en tumuru' ing kae'bowan-Na. Ampa'paan ang Kitap Le'nas aipatic in tana'i, “Icua i Casuruan: Yakuo en awéan hak en sumuli', Yaku oka e méé in ukuman.”

1 Petrus 3:9

Wo tioo sé léwo' suliin iow in léwo', kuma'pa ipawa'ba' é tou suliin iow ka'i i mengawa'ba'. Mekiupuso mangé a si Amang Kasuruan wosama' séra wéan-Na mai ing kamang, ampa'paan kamu tinowa i Amang Kasuruan e méé ing kamang a sé tou walina wo in taniitu kamu ka'i makéré ing kamang.

Wahyu 16:6

Ampa'paan sé tou le'nas wo ka'i sé nabi pinatéo éra. Winéan-Muo enda' en elepen éra. En ukuman ituo em patus teriman éra.”

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

Matius 5:39

Taan icua-Ku mangé ai camu, tioo sunduren iow si tou sé méngaéma' in léwo' ai camu. Sa awéan tou sumepé' in amo kakan iow, iwééo ka'i mio' en amo ka'biri miow sepéénna.