Matius 26:5 - En Taar Weru a nunuwu' é Tontemboan

⁵ Taan séra mengkuanan,“Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Matius 26:5 Referans Kwoze

Matius 27:24

Kailekano i Pilatus sapaoka pakasa e niéma'na ra'ica wana torona wo ka'i sé tou tumo'tolo maéma' ing kalicokoan, wo sia mindo rano, mu'as ing kamana an dior é tou keli wo icuana, “Ra'- ica wana eng kameséaanku andumoro' im papaté i Tou anio', en itu urusan iow in esa.”

Matius 21:26

Taan sa icuata, ‘Asé tou owo’, caindé'ta sé tou keli itu, ampa'paan paanggapen éra si Yohanes itu esa nabi.”

Matius 14:5

Mandé ka'i casalé' i Herodes e maté si Yohanes, taan caindé'na sé tou keli ampa'paan weroten é tou si Yohanes itu nabi.

Markus 14:27

Wo icua ka'i i Yesus, “Pakasa kamu tumela'u oka Yaku, ampa'paan aicuao i Amang Kasuruan ang Kitap Le'nas in tana'i, ‘Patén-Ku oka Si Gembala, wo sé domba-Na icasera-serar oka.’

Markus 14:12

Asi endo kataré in endo wangko' Roti Ra'ica Rinagian, an tutuw é tou Yahudi mokol domba Paska sé murit i Yesus mamuéi ai Sia, “Guru, am bisa réén en icasalé' i Guru tu'tulan ami ing kakanen Paska torona i Guru?”

Markus 14:2

Taan séra mengkuanan, “Tioo tumangka' Sia asi endo wangko' Paska, wosama' sé tou ra'ica méma' ing kalicokoan.”

Kisah Para Rasul 4:28

E niéma' éra itu, aitantuo i Casuruan indioré'wo ciit ing kawasa wo ing kasalé'an-Na.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Lukas 22:7

Wo imayo en endo wangko' Roti Ra'ica Rinagian. Asi endo itu sé tou musti mokol domba Paska.

Lukas 20:6

Taan sa icuata asé tou owo, tantu kita wangkilen é tou im batu, ampa'paan percayan éra sapaoka si Yohanes itu esa nabi.”

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 21:38

Anaé, ra'ica réén tou Mesir ko, si weru-weru anio' méma' ing kalicokoan wo si makawali mangé epat ngariwu tou sé mengalicoko makalulutaw tumincas an tana' kapayasan?”