Matius 26:3 - En Taar Weru a nunuwu' é Tontemboan

³ Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Matius 26:3 Referans Kwoze

Yohanes 18:24

Kumawus in itu, iru'du' i Hanas sé tou e makawali si Yesus a si imam wangko' Kayafas. An tutuw itu eng kama-Na pakawa'kesené'.

Markus 14:54

Ang karoro'an in itu, si Petrus mengii-ngiit si Yesus an tayang akar ang kintal im balé i imam wangko'. Wo am bitu sia lumukut mewali-wali wo sé pengawal e nguméngé in owak an duru in api.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Lukas 3:2

wo ka'i imam wangko' an tutuw itu si Hanas wo si Kayafas. Wo asi témpo ituke' si Amang Kasuruan méé mai in Taar-Na a si Yohanes toyaang i Zakharia an tana' kapayasan.

Matius 26:69

Ang karoro'an in itu si Petrus ang kesot, makalukut ang kintal im balé i imam wangko'. Wo mai si esa ata wéwéné sumusut angé a si Petrus wo kumua, “Ico ka'i si tatap mewali-wali wo si Yesus tou Galilea itu.”

Matius 27:27

Kumawus in itu, si Yesus iwali é suraro i Pilatus an istana i gubernur. Wo towan éra waya sé suraro mali'us lumi'cir si Yesus.

Markus 14:66

Ang karoro'an in itu, si Petrus ang kintalé' im balé i imam wangko', wo mai am bitu si ata wéwéné i imam wangko'.

Markus 15:16

Kumawus in itu, iwali mangé é suraro si Yesus ang kintal in istana paento'an i gubernur. Wo towan éra pakasa sé kara-karapi éra suraro e mai mali'us am bitu.

Lukas 22:55

An uner ing kintal im balé i imam wangko', sé tou méma' api unggun wo séra lumukut makali'mur an api itu e nguméngé. Wo si Petrus ka'i mai lumukut mewali-wali wo iséra.