Matius 24:6 - En Taar Weru a nunuwu' é Tontemboan

⁶ Wo kalingaan iow oka en téngéna im perang, wo en abar andumoro' im perang. Taan mandé in taniitu mareti-retio wo tioo kamu maindé'. Pakasa en itu musti mamuali, taan ra'ipé' an orasna ing kaka'puan ing kayo'baan.

Matius 24:6 Referans Kwoze

Lukas 21:9

Wo sa kamu luminga in abar andumoro' im perang wo andumoro' sé tou mengasundur sé pemerénta, tioo kamu maindé'. Ampa'paan pakasa en itu musti mamuali owo, taan en itu ra'ipé' an témpona ing kaka'puan ing kayo'baan.”

Yohanes 14:1

Icua i Yesus a sé murit-Na, “Tioo kamu masusa en até, percayano mangé si Amang Kasuruan wo percayano mai Aku.

2 Tesalonika 2:2

wosama' kamu ra'ica toro taporak mabingo wo ra'io makaaté in sama' sa kamu luminga in abar sapaoka an orasnao si Apo' Yesus maai sumawel. Wo awéan wona' e maanggap sa si Casuruan cumuao ai cami sapaoka Sia imayo sumawel. Kuma'pa awéan wona' ka'i maanggap sapaoka kami in esao eng kumua kuma'pa e matic in abar itu. En ulitna ra'ica.

Yohanes 14:27

Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Lukas 21:19

Sa kamu wutu-wutul le'tek maéman a Yaku kamu makéré oka ing katouan akar ing kauré-uré.”

Lukas 22:37

Icua-Ku in taniitu ai camu, ampa'paan aipatico ang Kitap Le'nas andumoro' Yaku, en itu musti mamuali a Yaku. Tana'i e nats aipatic ang Kitap Le'nas, ‘Sia icauntep oka a sé tou léwo'.’ Anaé, sapa en aipatic andumoro' Yaku, asi oras anio' tumo'tolo mamuali.”

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Matius 2:3

An tutuw i colano Herodes luminga in abar itu sia mangaya'ka', taniitu ka'i pakasa sé tou an Yerusalem.

Wahyu 6:4

Wo mapaturu'o mai si esa kawayo walina, si cawayo itu réindang tanuoka embung in api. Wo si tou si makasaké asi cawayo itu winéan kawasa e mindo ing kaeluran ang kayo'baan, akar sé tou mempam-patéan. Wo sia winéan esa sa'bel wangker.