Matius 24:10 - En Taar Weru a nunuwu' é Tontemboan

¹⁰ Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan.

Matius 24:10 Referans Kwoze

Lukas 21:16

Kamu ka'i isarakan oka é matu'a miow, é poo-poow iow, é pamalé miow wo é kara-karapi miow a sé kaséké' miow wo piraan tou ai camu patén éra oka.

Markus 13:12

Maai oka en témpona, si esa tou sumarakan oka si poowna in esa em patén. Taniitu ka'i e mamuali a si esa amang sumarakan oka sé toyaangna. Sé toyaang ka'i sumundur oka sé matu'a wo patén éra.

Matius 11:6

Wo pakakamangen sé tou sé ra'ica icumélong Yaku.”

Markus 4:17

taan en Taar itu ra'ica maa'mut sama' wo ra'ica itumang uré an até éra. Sa séra tenan ing kasusaan kuma'pa in okoi ampa'paan maéman in Taar itu, séra makala'us tumela'u si Amang Kasuruan.

2 Timotius 4:16

An tutuw ing kataré-taré aku méla in owakku am pengadilan, ra'ica wana esaan angé asé tou en tumawang yaku. Pakasa in tou tumela'uo yaku. Taan pangilekenku a si Casuruan wosama' ra'ica ukumen-Na séra.

Matius 13:21

Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.

Matius 10:21

Wo mamuali oka ka'i, si esa tou sumarakan oka si poowna in esa em patén. Tanu siitu ka'i e mamuali a si esa amang wo sé toyaangna. Sé toyaang ka'i sumundur oka sé matu'a wo maté iséra.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

2 Timotius 1:15

Timotius, tantu kailekanmuo sa pakasa in tou an Asia Teké' itumela'uo yaku, tanumai si Figelus wo si Hermogenes.

Matius 13:57

Wo icélong éra Sia. Wo icua i Yesus ai séra, “Si esa nabi am bisa-wisa pengasiriin é tou, taan sa an doongna in esa wo am baléna Sia ra'ica pengasiriin.”

Matius 24:11

Kelian sé nabi ra'ica wutul mapaturu' oka wo sumélé'kow sé tou keli.