Matius 20:4 - En Taar Weru a nunuwu' é Tontemboan

⁴ Icuana ai séra, ‘Mangéo taré tumawoi kamu an uma in anggorku, wo wéranku oka kamu si patus pawér ai camu.’ Kelinga in itu, séra makala'us mangé tumawoi.

Matius 20:4 Referans Kwoze

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Kolose 4:1

Éi tuang-tuang, mengaéma'o mangé sé wutul a sé ata miow wo wééo mio' waya sapa e mamuali hakna. Weroteno mangé sapaoka kamu ka'i awéan Tuang an sorga.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

Matius 9:9

Kekawus in itu si Yesus tumela'u in tampa itu, sérén-Na si esa tou makangaran Matius makalukut an tampa é tou mawér im pajak, wo icua i Yesus ai sia, “Kumiito mai Yaku.” Si Matius ka'i tumulung wo kumiit si Yesus.

Matius 20:3

Wona' in jam sembilan imamoondo, sia maya' ka'i mangé am pasar, wo sérénna awéané' piraan tou sé ra'ica wana kaakoan.

Matius 20:5

Wo asi jam dua belas wo in jam tiga im bawaando, sia kumesot ka'i sumawel mangé am pasar mangéré tou tumawoi.