Matius 20:2 - En Taar Weru a nunuwu' é Tontemboan

² An tutuw sia makéréo piraan tou en tumawoi, sia meroma' wo iséra en laasa iwérna ai séra sangando esa dinar. Wo iru'du'na séra mangé tumawoi an uma in anggorna.

Matius 20:2 Referans Kwoze

Wahyu 6:6

Wo palinganku tanu awéan suara an uner é epat mahluk itu makua in tana'i, “Sanga liter sléi em bééna esa dinar, wo telu liter gandum em bééna esa dinar. Taan tioo peléwoon en solo wo en anggor itu.”

2 Timotius 3:15

Ta'néienmu sumama-sama', tumo'tolai ko in toyaangé', ico makaileko ing Kitap Le'nas. Eng Kitap Le'nas itu ro'na méma' ico mapinter akar ko ro'na maéman a si Kristus Yesus wo Sia ro'na lumowir ico.

Lukas 10:35

Asi woondona mai, si tou Samaria itu méé roit rua dinar a si tou makawalé im paloséran itu, wo icuana, ‘Pekiupusenku rawatenio' sia sumama-sama'. Wo sa en doit itu iongkosmu e rumawat sia ra'ica maawes, wéran owo mio', mai ku oka sawelan an tutuwku maréngai sumawel am bia'i.’ ”

Lukas 1:15

Sia mamuali oka tou wangko' an dior i Amang Kasuruan. Ang kauréna menonou ra'ica kawisa melep in anggor kuma'pa melep in elepen mengalangu. Sia kawasan oka i Roh Le'nas tumo'tolke' mai sia am poot i inangna.

Matius 22:19

Turu'mai a Yaku en doit papakén iow mengawér im pajak!” Wo paalian éra mai a si Yesus esa dinar.

Matius 20:13

Taan icua i makauma itu a si esaan ai séra, ‘Poow, ra'ica wana eng kaséaanku ai co. Ampa'paan niénanmuo sapaoka em bérku ai co esa dinar en sangando.

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Matius 9:37

Wo icua-Na a sé murit-Na, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira.

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 20:3

Wona' in jam sembilan imamoondo, sia maya' ka'i mangé am pasar, wo sérénna awéané' piraan tou sé ra'ica wana kaakoan.

Markus 12:15

Taan kailekan i Yesus eng kapunekan éra wo icua-Na ai séra, “Kéitu réén kamu mangepé' a Yaku? Iwéé mai esa dinar wo sérén-Ku!”

Lukas 20:24

“Ituru' mai a Yaku esa dinar! Gambar wo ngaran i séi asi roit anio'?” Isowat éra, “Gambar wo ngaran i Kaisar.”

Matius 20:9

Wo mai sé tou itumawoi tumo'tol asi jam lima im bawaando, en tinerima éra mekélé esa dinar.