Matius 20:12 - En Taar Weru a nunuwu' é Tontemboan

¹² Icua éra, ‘Tuang, sé tou mai tumawoi sosomoi en aitawoi éra wayake' in satu jam, taan en aiwér ai séra meputéke' wo en aiwér ai cami sé itumawoi uter sangando wo imendamo ing kapaso' i yéndo.’

Matius 20:12 Referans Kwoze

Lukas 12:55

Wo sa kapendaman iow en deges a mékona owo maregeso, makala'us icua miow, ‘Maayo eng kasendangen,’ wo ulit mai eng kasendangen.

Yakobus 1:11

Sa si yéndo mantango mai wo em paso' in télangna makatena-tena in dukut, en dukut itu maweles. Ampa'paan in itu em bungangna rumongkor wo maka'pu eng kapasungna. Tanu siituo ka'i sé tou siya', an tutuw éra rumaméji menawo-nawoi masuun in doit keli, séra in esa maté oka.

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

1 Korintus 4:11

Wo akar intarépé' kami maarem wo maré'om wo eng karai ami waya oka si pekakaraien an owak. Kami paokoien é tou wo ra'ica wana em paento'an.

Roma 3:30

ampa'paan Si Amang Kasuruan wayake' in esa. Anggapen-Na wutul sé tou Yahudi wo ka'i sé tou walina ampa'paano im paémanen éra.

Roma 3:27

Ampa'paan in ituo ra'ica toro kita rumayo in owak. Kita nianggap wutul i Amang Kasuruan, ra'ica ampa'paan mengaéma' in ukum Torat. Ra'ica! Taan ampa'paan kita maéman a si Yesus Kristus.

Matius 20:11

Pakateriman éra mai en doit itu, séra mangingimburung oka a si makauma itu.