Matius 17:5 - En Taar Weru a nunuwu' é Tontemboan

⁵ Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 17:5 Referans Kwoze

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Matius 12:18

“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.

Markus 9:7

Wo tumumpao mai eng kambung lumoindong iséra. Wo an untep ing kambung itu kalingaan en suara, “Si anioo si Toyaang-Ku, si caupus-Ku, lingano mangé Sia!”

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

Markus 1:11

Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Lukas 3:22

wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Yohanes 5:37

Wo si Amang-Ku si mutusai Yaku, Siao in esa e iméé ing kasairian sa si séi Aku en ulitna. Kamu ra'ipé' kawisa luminga Sia maroma' ai camu wo ra'ipé' sumangkum ka'i suméré in amo-Na,

Kolose 1:13

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.

Efesus 1:6

Ampa'paan in ituo, irayoo mangé si Amang Kasuruan, ampa'paan tinambéran-Nao mai in upus wangko' ai cita sé meesa wo si Yesus Kristus, Toyaang si paupu-upus-Na keli.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Kisah Para Rasul 1:9

Kumawusai si Yesus kumua in taniitu, Sia icaangkaio mangé an sorga pakasérén éra wo Sia saputen ing kambung akar ra'io kaséréan éra.

Matius 17:6

Kelinga é telu murit i Yesus in suara itu, maindé'o séra akar icaruinsum an tana'.

Wahyu 14:14

Kekawus in itu kaséréanku esa kambung kulo' wo am bawo ing kambung itu awéan esa tou makalukut. Sia itu tanuoka si Toyaang i Tou. En do'kos-Na pinakéan i mahkota mas, wo eng kama-Na makatimboi esa pagi' telew.