Matius 17:4 - En Taar Weru a nunuwu' é Tontemboan

⁴ Wo icua i Petrus a si Yesus, “Tuang, arui keli kami an tampa anio'. Sa icasalé' i Tuang, itoorku oka telu ténda am bia. Si esa torona i Tuang, si esa si Musa wo si esa ka'i si Elia.”

Matius 17:4 Referans Kwoze

Lukas 9:33

An tutuw é rua tou itu tumela'uo woo si Yesus wo icua i Petrus a si Yesus, “Guru, arui keli kami asi tampa anio'. Lébé loor itoor ami telu ténda. Esa torona i Guru, esa torona i Musa wo si esa ka'i torona i Elia.” Taan ra'ica kailekan i Petrus sapa en aicuana itu.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Wahyu 21:23

Eng kota itu ra'io ka'i maperlu si yéndo wo si serap en sumendot, ampa'paan si Amang Kasuruan si wuta in darayo wo in sisiri', iméé mai in sendot, wo si Toyaang i Domba ituo en sosoloanna.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

Matius 17:3

Wo kaséréan éra si Musa wo si Elia memaa-maar ang karapi i Yesus.

Yohanes 7:2

An tutuw itu matawio in endo wangko' é tou Yahudi si patuulen endo wangko' Terung Lalaina.