Matius 13:54 - En Taar Weru a nunuwu' é Tontemboan

⁵⁴ Wo icateka'o mangé Sia an doong-Na, am bitu Sia sumusui a sé tou am balé paapo'an é agama Yahudi. Séra mangaya-ngaya'ka' wo kumua, “Am bisa réén eng kinéréan-Na ing kapinteran itu wo ing kawasa e méma' ing kakaya'kaan-kakaya'kaan itu?

Matius 13:54 Referans Kwoze

Matius 7:28

An tutuw i Yesus makasusuio, sé tou keli mangaya-ngaya'ka' luminga in sususuien-Na.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Yohanes 1:11

Sia mai a sé tou-Na Yahudi taan Sia ra'ica tinerima éra.

Lukas 2:47

Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.