Matius 13:3 - En Taar Weru a nunuwu' é Tontemboan

³ Wo kelian em pasusui i Yesus ai séra mapaké in andéan. Icua-Na, “Awéan si menganguma mangé muras in lulumbo.

Matius 13:3 Referans Kwoze

Markus 4:13

Kekawus in itu, icua i Yesus ai séra, “Ra'ica réén kaangéan iow en andéan itu? Sa taniitu, tambisa réén eng kaangéan iow en andéan walina?

Markus 4:33

Keli en andéan tanu siitu, em pinaké i Yesus e mengakua in Taar ai séra, iciit ing kailekan éra.

Matius 13:53

Kekawus i Yesus sumisil sé andéan itu, itela'u-Na ka'i en tampa itu.

Markus 12:12

Kelinga in itu, makala'us kailekan éra sa si Yesus masindir ai séra maké in andéan itu. Ampa'paan in itu raméjin éra in tumangka' Sia. Taan séra maindé' a sé tou keli, siituo iwaya éra Sia wo séra mangé.

Yohanes 16:25

Pakasa en anio' aicua-Kuo ai camu maké in andéan. Taan maai oka en témpona icua-Ku ai camu ra'ica ka'i maké in andéan. An tutuw itu icua-Ku oka ai camu ang karapi in da'ica ipaene-enep andumoro' i Amang-Ku.

Lukas 12:41

Kumawus in itu si Petrus mamuéi a si Yesus, “Tuang, si andéan tarépé' torona ami kuma'pa torona im pakasa sé tou?”

Lukas 8:10

Wo icua-Na, “Kamu intarépé' winéan i Amang Kasuruan kamang tatambér e makailek andumoro' ing Kakolanoan in Sorga. Taan a sé tou walina andumoro' ing Kakolanoan in Sorga itu, icua-Ku maké in andéan wosama', ‘Mandé sinéré éra, taan ra'ica kaangéan éra sapa en sinéré, wo mandé ka'i lininga éra, taan ra'ica kaangéan éra sapa en lininga.’

Markus 12:1

Kekawus in itu, tumo'tolo si Yesus rumoma' maké in andéan a sé kikiiten é imam, sé makailek wutul in Torat wo a sé matu'a é tou Yahudi. Icua-Na, “Awéan esa tou imuka' uma en usewan in anggor wo pagerenna en lumi'cir in uma itu. Sia kuma'il lo'beng émaan patepesan in anggor. Wo itoorna ka'i terung rangka' paento'an i matéir. Kumawus in itu iséwana en uma itu a sé tou matawoi in uma wo sia mangé an doong walina.

Markus 3:23

Wo towan i Yesus séra wo numuwu' maké in andéan, “Tumambisa si sétang ro'na musér si sétang?

Matius 24:32

Mindoo mio' sususuien asi andéan tuura in ara. Sa sé pangana rintek mamata'o wo tumo'tolo maséé, kailekano miow sa matawio en oras ing kasendangen.

Matius 22:1

Wo icua ka'i i Yesus ai séra maké in andéan.

Matius 13:4

Ang karoro'anna imawuras, awéan en lulumbo irumongkor an tembir in lalan. Wo mai ro'keten é burung sé lulumbo itu akar imaka'pu.