Matius 12:12 - En Taar Weru a nunuwu' é Tontemboan

¹² Ra'ica réén tou en tayang lumébémai em bééna wo si domba? Ampa'paan in itu ro'na émaanta sé loor a sé tou an endo Sabat.”

Matius 12:12 Referans Kwoze

Matius 6:26

Séréno mangé sé burung an langit, sé ra'ica mausew wo ra'ica maupu' wo ra'ica wana paumungan im buéna, taan pengawéanai kanen i Amang iow an sorga. Ra'ica réén icamu en lébé awéan wééna wo sé burung itu?

Lukas 6:9

Kumawus in itu icua i Yesus ai séra, “Wuéien-Ku ai camu, sa kumiit in atoran agama, si wisa e ro'na émaan asi endo Sabat? Méma' in loor kuma'pa méma' in léwo'? Lumowir in tou kuma'pa maté tou?”

Markus 3:4

Wo wuéien-Na ai séra, “Si wisa e ro'na émaan asi endo Sabat? Méma' si loor kuma'pa si léwo'? Sumama' in tou kuma'pa maté tou?” Taan séra makapeneske'.

Matius 10:31

Anaé, tioo kamu maindé', ampa'paan kamu en lumébémai asé rincéng.

Lukas 12:24

Sérén iow sé kokoak! Séra itu ra'ica mausew wo ra'ica maupu' wo ka'i ra'ica wana paumungan ing kakanen taan séra pengawéanai kanen i Amang Kasuruan. Icamu en lumébémai em bééna wo sé kokoak itu.

Lukas 14:1

Asi makasa tumena in endo Sabat, si Yesus mai am balé i esa kikiiten é tou Farisi eng kuman am bitu. Pakasa sé tou am bitu meméé-méé rékén ai Sia sa sapa en émaan-Na.