Matius 11:22 - En Taar Weru a nunuwu' é Tontemboan

²² Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon.

Matius 11:22 Referans Kwoze

Matius 11:24

Taan icua-Ku mangé ai camu: Asi endo kaka'puan ing kayo'baan, en ukuman iow lébé uterai wo in ukuman é tou an Sodom itu.”

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

1 Yohanes 4:17

Wo in taniitu en upus itu malekep ang katouanta, wosama' kita ra'ica maindé' meta'up si Amang Kasuruan asi endo in akimen. Kita ra'ica oka maindé', ampa'paan eng katouanta ang kayo'baan anio' puté wo eng katouan i Apo' Yesus.

Matius 12:36

Icua-Ku ai camu, asi endo kaka'puan ing kayo'baan panowaten oka é tou pakasa é nunuwu' ra'i-ra'i sé aicua éra.

Lukas 10:14

Asi endo kaka'puan ing kayo'baan sa, en ukuman iow lébé uterai wo in ukuman é tou ang kota Tirus wo en Sidon.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Matius 11:21

“Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow taan ra'ica pinercaya miow wo ra'ica mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel mengéma-ngéma' ing kamesé-meséaan.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.