Matius 10:4 - En Taar Weru a nunuwu' é Tontemboan

⁴ Simon tou Zelot, wo si Yudas Iskariot si kumianat oka si Yesus.

Matius 10:4 Referans Kwoze

Matius 26:14

Awéan esaan asé sangapulu' rua murit i Yesus, makangaran i Yudas Iskariot mangé a sé kikiiten é imam.

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 6:71

Em peangé-angén i Yesus itu si Yudas, si toyaang i Simon Iskariot. Ampa'paan si Yudas en sumarakan oka si Yesus a sé kaséké', mandé ka'i sia itu esaan tou asé sangapulu' rua murit-Na.

Markus 14:43

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali- ali in sa'bel wo im papangkur. Séra airu'du' é kikiiten é imam, sé makailek wutul in Torat wo sé matu'a.

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Lukas 22:47

An tutuw i Yesus maroma'pé' wo rumumpakai sé sangareru' tou. Séra aipakawali mai i Yudas si esaan asé sangapulu' rua murit i Yesus. Si Yudas mawaya' an dior é tou itu wo sia sumusut angé a si Yesus wo cumiom Sia.

Lukas 22:3

Wo kawasan i kikiiten é sétang si Yudas si patuulen ka'i Iskariot. Sia esaan asé sangapulu' rua murit i Yesus.

Markus 14:10

Wo si Yudas Iskariot esaan asé sangapulu' rua murit i Yesus, mangé a sé kikiiten é imam eng kumua im basana en sumarakan si Yesus ai séra.

Matius 27:3

An tutuw ing kailekano i Yudas Iskariot, si tou isumarakan si Yesus sapaoka si Yesus pinusé'o in ukumen patén, maneselo sia. Wo iwaréngna sumawel sé telu ngapulu' roit pérak a sé kikiiten é imam wo a sé matu'a é tou Yahudi.

Kisah Para Rasul 1:25

Si tou ituo en sumawel maselewir wo tumerima oka in tawoien ruru'du'an si aitela'uo i Yudas. Si Yudas anio' imakéréo in tampa si patus terimana.”

Kisah Para Rasul 1:13

An tutuw éra icateka' mangé an Yerusalem, séra mangé an tampa linoséran éra wo sumosor angé an esa kamar an dangka'. Séra itu: Si Petrus wo si Yohanes, si Yakobus wo si Andreas, Si Pilipus wo si Tomas, si Bartolomeus wo si Matius, si Yakobus toyaang i Alfeus, si Simon tou Zelot, wo si Yudas toyaang i Yakobus.

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Matius 26:15

Wo icuana ai séra, “Sapa em béé oka miow a yaku sa si Yesus isarakanku ai camu?” Wo wéran éra ai sia telu ngapulu' roit pérak.

Yohanes 6:64

Taan an uner iow awéan sé ra'ica maéman.” Icua i Yesus in taniitu, ampa'paan asi catarépé' kailekan-Na sé ra'ica maéman wo si sumarakan Sia a sé kaséké'.