Matius 10:25 - En Taar Weru a nunuwu' é Tontemboan

²⁵ Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 10:25 Referans Kwoze

Lukas 11:15

Taan an uner é tou keli itu awéan e makua, “Sia mengausér sé sétang mapaké ing kawasa i Beelzebul, si kikiiten é sétang itu.”

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 9:34

Taan ipakua é tou Farisi, “Si kikiiten é sétang e méé ing kawasa ai Sia e musér sé sétang.”

Yohanes 7:20

Isowat é tou keli itu a si Yesus, “Ico rinasuko i sétang akar imanganga'. Ra'ica wana tou en rumaméji e maté Ico!”

Markus 3:22

Sé makailek wutul in Torat sé imai an Yerusalem owo kumua ka'i, “Sia rinasuko i Beelzebul! Sia musér sé sétang mengapaké ing kawasa i kikiiten é sétang anio'.”

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 10:20

“Sia rinasuko i sétang wo imanganga'o! Kéitu réén lingan iow Sia?”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Matius 12:27

Anaé, sa Aku musér sé sétang mapaké ing kawasa i Beelzebul, sé murit iow réén mengausér sé sétang mapaké ing kawasa i séi? Ampa'paan ituo sé murit iow in esa e méé oka tuus sapaoka kamu suméa'.

Lukas 11:18

Taniitu ka'i sa si kikiiten é sétang wo sé makiit sia meréndé-réndéran, tantu eng kakolanoan éra ra'ica kawisa tumang. Icua-Ku taniitu ampa'paan patudun iow Aku mengausér sé sétang mapaké ing kawasa i Beelzebul si kikiiten é sétang.

Lukas 11:19

Anaé, sa Aku musér sé sétang mapaké ing kawasa i Beelzebul, sé murit iow réén mengausér sé sétang mapaké ing kawasa sapa? Ampa'paan in ituo sé murit iow in esa e méé oka tuus sapaoka kamu suméa'.

Markus 10:39

Isowat éra, “Kawooan ami é Guru!” Isowat i Yesus ai séra, “Wutul, kamu melep oka a si paelepan si musti elepen-Ku wo baptisen ang karapi im baptisan si musti teriman-Ku.