Matius 1:21 - En Taar Weru a nunuwu' é Tontemboan

²¹ Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Matius 1:21 Referans Kwoze

Kisah Para Rasul 13:23

Wo kiit in janji i Amang Kasuruan, asé taranak i Daud owo aituru'-Nao esa Tou en Lumowir sé tou Israel, Siao si Yesus.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

Lukas 2:21

An tutuw imalekepo walu ngando eng ketou i Toyaang itu wo Sia musti sunaten wo ngaranan éra Yesus si ngaran aicua i malaékat a si Maria an tutuwna ra'ipé' maowa-owak.

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

Lukas 1:31

Ico ra'io uré maowa-owak wo makéré oka toyaang tuama, musti ngarananmu si Toyaang itu, ‘Yesus’.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.

Kisah Para Rasul 3:26

Ampa'paan in ituo, si Amang Kasuruan isumisiro si Ata-Na wo yutus-Na kataré-taré ai camu wosama' Sia kumamang icamu, en lalanna tawangen-Na kamu si esa wo si esa en tumela'u ing kaléwo-léwo'an.”

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

Lukas 1:13

Taan icua i malaékat itu ai sia, “Zakharia tioo maindé'! Ampa'paan en sombayangmu liningao i Amang Kasuruan. Si penanaanmu Elisabet makéré oka esa toyaang tuama wo musti ngarananmu sia Yohanes.

Matius 1:25

taan sia ra'ica kawisa tumekel ang karapi i Maria akar si Maria makéré toyaang tuama. Wo ngaranan i Yusuf si toyaang itu, Yesus.

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”