Lukas 9:30 - En Taar Weru a nunuwu' é Tontemboan

³⁰ Tumarépé'anke'mai awéan rua tou mapaar wo Sia, séra itu si Musa wo si Elia.

Lukas 9:30 Referans Kwoze

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 9:19

Wo isowat éra, “Awéan sé makua si Yohanes Mabaptis, awéan ka'i sé makua si nabi Elia. Wo sé walina ka'i makua esaan asé nabi indior si tumou sumawel.”

Lukas 1:17

Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Lukas 9:29

Wo ang karoro'an i Yesus masombayang ang kuntung itu, en amo-Na imawalinao wo eng karai-Na imakuloo menéla-nélap.

Lukas 9:31

Séra in dua mapaturu' in owak, kaséréan menéla-nélap. Séra mapaar ang karapi-Na andumoro' im papaté si sangkumen-Na oka an Yerusalem.