Lukas 8:50 - En Taar Weru a nunuwu' é Tontemboan

⁵⁰ Taan en aicua i tou itu lininga i Yesus wo icua-Na a si Yairus, “Ra'ica toro maindé', percayano mai Aku! Tantu si toyaangmu malowir.”

Lukas 8:50 Referans Kwoze

Yohanes 11:40

Icua i Yesus, “Ra'ica réén aicua-Kuo ai co tarépé'? Sa percayanmu, sérénmu oka eng kawangko' ing kawasa i Amang Kasuruan.”

Yohanes 11:25

Isowat i Yesus a si Marta, “Yakuo en tumou sumawel sé tou imatéo wo méé ing katouan akar ing kauré-uré. Si séike' sé maéman a Yaku, mandé ka'i sia matéo ang kayo'baan anio', sia tumou oka akar ing kauré-uré.

Markus 5:36

Taan ra'ica pinandung i Yesus sapa en aicua éra. Wo icua-Na a si Yairus, “Tioo maindé', taan maémano mangé.”

Lukas 8:48

Wo icua i Yesus a si wéwéné itu, “É toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur.”

Roma 4:17

Ampa'paan icua i Amang Kasuruan a si Abraham in tana'i, “Aitantu-Kuo ko mamuali amang é tou keli.” Tanu siituo en janji i Amang Kasuruan a si Abraham. Wo si Abraham maéman a si Amang Kasuruan si tumou sumawel sé tou imatéo wo ka'i si méma' im baya-waya asaloke' i nunuwu'-Na pakasa waya mamuali.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Roma 4:20

Si Abraham uli-ulit maéman wo ra'ica marua-rua wasa a si janji i Amang Kasuruan itu. Taan em paémanenna itu makaketerke' taré akar sia rumayo wo sumiri' a si Amang Kasuruan.

Lukas 8:51

Icateka'o mangé am balé i Yairus, ra'ica iwéé i Yesus sé tou walina muntep, aluar si Petrus, si Yohanes, si Yakobus wo si amang wo si inang i toyaang itu.