Lukas 8:47 - En Taar Weru a nunuwu' é Tontemboan

⁴⁷ Sérén i wéwéné itu sapaoka e niéma'na kinailekano, anaé ang karapi in indé' wo mege'ge-ge'ger sia mai kumundu an dior i Yesus. Wo sisilna an dior é tou keli am bitu, kéitu sia misu' si Yesus wo an tutuw ituke' en sakitna makala'us masama'.

Lukas 8:47 Referans Kwoze

Markus 5:33

Si wéwéné itu maindé'o keli akar ing gume'ger, ampa'paan kailekanna isiao e imisu' in juba i Yesus wo masama'. Ampa'paano in itu sia kumundu an dior i Yesus, wo isisilna waya sé imamuali ai sia.

2 Korintus 7:15

Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

Ibrani 12:28

Anaé, kita mamualio tou ang kakolanoan si ra'ica toro yéro', ampa'paano in itu mayoo kita kumua makapulu'sama' a si Amang Kasuruan, wo maapo' mangé ai Sia ang karapi in siri' wo wuta ing kaindé'an iciit en casalé'-Na.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

Kisah Para Rasul 16:29

Kelinga in itu, si capala im bui rumu'du' tou maali palaab. Wo sia tuméron angé an untep im bui, ang karapi i mege'ge-ge'ger sia kumundu an dior i Paulus wo si Silas.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Matius 28:8

Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.

Lukas 8:46

Icua i Yesus, “Taan awéan tou e misu' Yaku, ampa'paan kapendaman-Ku awéan kawasa en icumesot an owak-Ku.”

Lukas 8:48

Wo icua i Yesus a si wéwéné itu, “É toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur.”