Lukas 8:37 - En Taar Weru a nunuwu' é Tontemboan

³⁷ Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Lukas 8:37 Referans Kwoze

Kisah Para Rasul 16:39

Wo séra mai mekiampung a si Paulus wo si Silas. Wo iwali éra sé rua ruru'du'- an itu icesot am bui, wosama' séra tumela'u ing kota itu.

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Lukas 9:56

Wo séra mangé an doong walina.

Lukas 9:5

Wo sa ra'ica wana en tumerima icamu, itela'uo mio' eng kota éra itu wo itangkaro mio' en awu ang kécéi iow, tanu tata'néi sapaoka séra ra'ica kiim tumerima si Amang Kasuruan.”

Lukas 8:28

Keséréna si Yesus, sia mangko' wo kumundu an dior-Na. Icuana in taangko', “Sapa en urusan-Mu wo yaku, éi Yesus Toyaang i Amang Kasuruan Si Rumangka-rangka'? Pekiupusenku ai Co tioo okoien-Mu aku!”

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Markus 5:17

Wo sé tou maento' an sangkum in tampa itu wutu-wutul mekiupus a si Yesus wosama' tela'u-Na en tampa éra.

Matius 8:34

Kelinga in itu, sé tou ang kota itu mangé meta'up wo si Yesus. An tutuw éra meta'upo, séra wutu-wutul mekiupus wosama' Sia tumela'u in sangkum éra.

Lukas 8:36

Wo sé tou sé suméréo in esa pakasa eng kinamamualian itu, isisil éra a sé tou sé makaaié', tumambisa si tou rinasuk é sétang itu ro'na imasama'.

Lukas 8:38

Wo si tou imasama'o itu mekiupus a si Yesus sa woo ro'na énan-Na eng kumiit Sia. Taan sia airu'du'ke' i Yesus maréng, icua i Yesus,