Lukas 8:12 - En Taar Weru a nunuwu' é Tontemboan

¹² En lulumbo irumongkor an tembir in lalan itu, ayandé sé tou ilumingao in Taar i Amang Kasuruan. Taan kekawus éra iluminga in Taar itu wo mai si kikiiten é sétang rumombit in Taar itu an até éra wosama' séra ra'ica maéman wo ra'ica malowir.

Lukas 8:12 Referans Kwoze

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Markus 4:15

En lulumbo irumongkor an tembir in lalan ayandé sé tou iluminga in Taar-Na, wo en Taar si aicua ai séra itu maike' niindo i kikiiten é sétang.

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Lukas 8:5

“Awéan esa tou menganguma mangé muras in lulumbo an uma. Ang karoro'anna imawuras, awéan en lulumbo irumongkor an tembir in lalan wo linéakan é tou wo mai ro'keten é burung sé lulumbo itu akar imaka'pu.

Matius 13:4

Ang karoro'anna imawuras, awéan en lulumbo irumongkor an tembir in lalan. Wo mai ro'keten é burung sé lulumbo itu akar imaka'pu.

Lukas 8:11

Tana'i eng kaangéan in andéan itu: En lulumbo itu, siituo en Taar i Amang Kasuruan.

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.