Lukas 7:43 - En Taar Weru a nunuwu' é Tontemboan

⁴³ Isowat i Simon, “Sa werotenku, si tou miram roit keli.” Icua i Yesus ai sia, “En aicuamu itu wutul.”

Lukas 7:43 Referans Kwoze

Lukas 10:38

Wo si Yesus wo sé murit-Na lumala'us im bawayaan wo séra icateka' mangé an esa roong. Am bitu awéan esa wéwéné makangaran Marta, sia tumerima si Yesus am baléna.

Lukas 7:47

Icua-Ku ai co, en upusna wangko' itu, itumuru'o sapaoka eng kamesé-meséaanna sé kumeli-keli itu niampungano. Taan sa si tou niampungan wayake' im pira, eng kaupusanna ka'i wayake' im pira.”

Markus 12:34

Sérén i Yesus si tou itu si sumowat ang karapi ing kapinteran, wo icua-Na ai sia, “Ico tawio mamuali tou i Amang Kasuruan.” Wo ra'io wana ka'i mandé esake' tou em brani mamuéi sapake' mangé ai Sia.

Matius 18:27

Wo makala'us mai eng kaupusan i colano a si ata itu. Wo icua i colano ai sia, ‘En utangmu nomoo wéran.’

Lukas 7:42

Taan en doit niiram éra in dua ra'io icawaréng, akar en doit niiram éra itu ra'io pinangilekna iwaréng sumawel. Anaé é Simon, si séi ai séra in dua en lébé mengaupus a si tou pairaman roit itu?”

Lukas 7:44

Wo si Yesus suméré a si wéwéné itu wo icua-Na a si Simon, “Simon, sinérémuo sapa e niéma' i wéwéné anio'? Yaku muntepai am balému, taan ra'ica aitu'tulmu rano wu'as ing kécéi-Ku tanu ing kanaramenta. Taan si wéwéné anio' rano im berenna em pinakéna e mu'as ing kécéiku wo lapenna im buukna.