Lukas 7:28 - En Taar Weru a nunuwu' é Tontemboan

²⁸ Icua-Ku mangé ai camu, asé im pakasa in tou si ai tou é wéwéné ra'ica wana en ilumébé mai eng kawangko' i Yohanes Mabaptis. Taan sé tou ipawawa-wawa' ang Kakolanoan i Amang Kasuruan, ilumébé mai eng kawangko' i Yohanes Mabaptis.”

Lukas 7:28 Referans Kwoze

Matius 11:11

En ulitna icua-Ku mangé ai camu, an uner é tou si aitou é wéwéné ra'ica wana en lumébémai eng kawangko' wo si Yohanes Mabaptis. Taan sé tou ipawawa-wawa' ang Kakolanoan in Sorga, lumébémai eng kawangko' wo si Yohanes Mabaptis.

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

Lukas 3:16

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Matius 3:1

An tutuw itu si Yohanes Mabaptis mai an tana' kapayasan an Yudea wo icuana,

Lukas 7:27

Ampa'paan, andumoro' sia awéan en aipatic ang kitap le'nas, ‘Séréno! Airu'du'-Ku mai si utusan-Ku rumiorai ai Co, sia oka en tumu'tul in lalan wayaan-Mu.’

Lukas 7:29

Wo pakasa sé tou iluminga in aicua i Yesus, wo ka'i sé tou matagi im pajak, makua sapaoka si Amang Kasuruan itu wutul. Ampa'paan séra im baya imééo in owak em baptisen i Yohanes Mabaptis.