Lukas 7:25 - En Taar Weru a nunuwu' é Tontemboan

²⁵ Sapa en torona miow maangé? Suméré réén si tou mekarai in loor? Si tou mekarai in loor wo menonou ang kasiyaan itu, em paento'anna am balé i colano.

Lukas 7:25 Referans Kwoze

Matius 6:29

Icua-Ku mangé ai camu, eng kasiyaan i Salomo ra'io icakua, taan sia ra'ica kawisa mekarai tanu ing kapasung im bungang itu.

Matius 3:4

Si Yohanes mapaké in juba niéma' am buuk i onta owo, em bengkalna niéma' ang kulit i binatang owo. Eng kakanenna komong wo wiluk é lampéran in talun.

Matius 11:8

Sapa en torona miow maangé? Mangé réén suméré si tou mekarai in loor? Si tou mekarai in loor itu, em paento'anna am balé i colano.

Lukas 7:24

An tutuw sé ayutus i Yohanes mangém, tumo'tolo sisil i Yesus a sé tou keli en andumoro' i Yohanes, “Sapa réén en torona kamu maangé a si Yohanes an tana' kapayasan? Mangé réén suméré in saraw pengéro-ngéro' in deges?

Lukas 7:26

Anaé, sapa en torona miow maangé? Suméré réén si nabi? En itu wutul, taan icua-Ku mangé ai camu, sa si Yohanes lumébé mai wo si nabi.

Lukas 16:19

“Awéan esa tou siya' si memaké-maké in juba pares niéma' ang kaéng alus owo, susur in endo sia masalé-salé' ang kasiyaanna.