Lukas 7:12 - En Taar Weru a nunuwu' é Tontemboan

¹² An tutuw Sia matawio im papalen wangko' ing kota, awéan sé tou makawuléng ing kalékos si pakatekelan i tou imaté. Si tou imaté itu toyaang tuama, toyaang esa-esa i wéwéné balu. Wo keli sé tou ang kota itu mawaya' mewali-wali wo si wéwéné balu itu.

Lukas 7:12 Referans Kwoze

Lukas 8:42

ampa'paan si toyaangna wéwéné si toyaang esa-esa, mepaté-patéo. En umur i toyaang itu wona' sangapulu' rua ngata'un. Ang karoro'an i Yesus maangé am balé i Yairus, keli en tou meréngké-réngké'an an duru-Na.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

Kisah Para Rasul 9:39

Kelinga in itu, si Petrus makala'us tumu'tul wo mangé ang karapi éra. Icateka' mangé am bitu, iwali éra sia ang kamar an dangka'. Wo pakasa sé wéwéné balu tumulung rumuru mangé a si Petrus. Wo ang karapi i mengamé-ngamé' ituru' éra ai sia pakasa eng karai wo en juba si niéma'na tutuw i menonou.

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.

Lukas 8:52

Pakasa sé tou mengamé-ngamé' wo masesendu'an repet a si toyaang itu. Taan icua i Yesus, “Nomo mengamé-ngamé'! Si toyaang itu ra'ica imaté, taan asalo tumekel.”

Lukas 7:11

Kumawus in itu, si Yesus mangé asi esa kota si makangaran Nain ang karapi é murit-Na wo sé tou keli.

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”