Lukas 6:6 - En Taar Weru a nunuwu' é Tontemboan

⁶ Asi endo Sabat walina, si Yesus muntep am balé paapo'an é agama Yahudi wo sumusui. Am bitu awéan esa tou eng kamana esa imapalaio.

Lukas 6:6 Referans Kwoze

Yohanes 5:3

An lésar itu keli tou sumakit makawé'kél, awéan sé wola, sé kénto' wo sé késo'. Séra mengento-ento' in dano méro' ang kolam itu.

Lukas 4:31

Kekawus in itu, si Yesus mangé ang Kapernaum si esa kota ang Galilea. Asi endo Sabat Sia sumusui a sé tou am balé paapo'- an é agama Yahudi.

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

Lukas 14:3

Wo wuéien i Yesus a sé makailek wutul in Torat wo sé tou Farisi am bitu, “Sa kumiit in ukum agamata, ro'na kuma'pa ra'ica en sumama' in tou asi endo Sabat?”

Lukas 13:10

Asi esa endo Sabat, si Yesus masusui an esa walé paapo'an é agama Yahudi.

Lukas 6:1

Asi makasa, an tutuw in endo Sabat, si Yesus mawaya' lumangkoi im pangumaan ing gandum. Ang karoro'an imawaya' am bitu, sé murit-Na maupu' im batuna ing gandum wo kuliten éra ing kama em batuna im bua'na ing gandum itu wo kanen éra.

Lukas 6:5

Icua ka'i Yesus ai séra, “Si Toyaang i Tou awéan kawasa en tumu'tul im baya-waya icauntep in atoran in endo Sabat.”