Lukas 6:24 - En Taar Weru a nunuwu' é Tontemboan

²⁴ Taan icawangkuro mio' kamu sé tou siya' intarépé', ampa'paan kamu imendamo ing kaaruian ang kasiyaan iow.

Lukas 6:24 Referans Kwoze

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

Matius 6:2

Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Yakobus 2:6

Taan aiséro'ke' miow sé tou lengéi itu. En ulitna sé tou siya'o e maokoi wo makawali icamu am pangadilan.

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Lukas 6:25

Icawangkuro mio' kamu sé mawesu intarépé', ampa'paan kamu mendam oka ing kaareman. Cawangkuro mio' kamu sé imeké'ké' intarépé', ampa'paan kamu mawendu oka wo maamé'.