Lukas 6:22 - En Taar Weru a nunuwu' é Tontemboan

²² Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Lukas 6:22 Referans Kwoze

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Yohanes 12:42

Mandé in taniitu, kelike' asé kikiiten é tou Yahudi mercaya a si Yesus. Taan ra'ica kiim éra mangaku im paémanen a sé tou, ampa'paan caindé' éra péronen é tou Farisi e muntep am balé paapo'an é agama Yahudi.

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

Yohanes 17:14

En Taar i Amang aicua-Kuo ai séra, wo pinercaya éra en Taar itu. Ampa'paan in ituo sé tou ra'ica mercaya in Taar i Amang masuut séra, ampa'paan séra ra'ica meputé wo sé tou ra'ica mapercaya itu, wo ka'i Yaku ra'ica meputé wo sé tou ang kayo'baan sé ra'ica mapercaya.

Lukas 21:17

Wo ka'i pakasa sé tou masuut oka icamu ampa'paan makiit Yaku.

Matius 10:39

Si séike' e menonou asaloke' in owakna in esa, sia itu ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, sia makéré oka ing katouan akar ing kauré-uré.

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Yohanes 9:34

Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.

Lukas 20:15

Wo iwangkil éra sia ang kesot in uma in anggor itu wo patén éra. Intarépé', sapa en émaan i makauma in anggor itu ai séra?

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Lukas 6:21

Pakakamangen kamu sé intarépé' maarem, ampa'paan émaan oka i Amang Kasuruan kamu mawesu. Pakakamangen kamu sé intarépé' maamé', ampa'paan émaan oka i Amang Kasuruan kamu kumé'ké'.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.