Biblia Todo Logo
Bib sou entènèt

- Piblisite -




Lukas 6:11 - En Taar Weru a nunuwu' é Tontemboan

11 An tutuw é guru agama Yahudi wo sé tou Farisi itu suméré sapa e niéma' i Yesus, séra mae'bow keli. Wo séra mepaar sapa en émaan éra sa a si Yesus.

Gade chapit la Kopi




Lukas 6:11
16 Referans Kwoze  

Kelinga in itu, sé anggota Mahkamah Agama mae'bow keli. Wo séra mawasa e maté sé ruru'du'an itu.


Yaku ka'i muntep am balé-walé paapo'an é agama Yahudi wo pengaokoienku sé tou makiit si Yesus wo leséénku séra en sumangkal im paémanen éra. Ampa'paano aku mae'bow keli wo keli paangitenku séra akar ang kota-kota walina.”


An tutuw pakasa en itu lingan é anggota Mahkamah Agama, en até éra sumakit keli. Wo séra mae'bow ai sia ang karapi makare'ket oka em baang.


Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.


Anaé, ru'du' éra kumesot sé rua ruru'du'an itu wo séra meroma' andumoro' im perkara itu


Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.


Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.


Kelinga in aicua i Yesus, pakasa sé tou an untep im balé paapo'an é agama Yahudi itu mae'bow keli ai Sia.


An tutuw é kikiiten é imam wo sé tou Farisi iluminga in andéan aicua i Yesus, makala'uso kailekan éra en aicua i Yesus itu andumoro' iséra.


Kelinga in itu, séra memero-merot wo mengkung-kuanan a si esa wo sé walina, “En itu aicua-Na, ampa'paan kita ra'ica imaali roti.”


Kumawus in itu téintengen i Yesus pakasa sé tou an li'cir-Na wo kumua a si tou sumakit itu, “Yuluro mai eng kamamu!” Wo yulurna tanu si aicua i Yesus. Asi témpo ituke' imasama'o eng kamana.


Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.


Mandé ka'i séra mepé'o tumawér sé tou, taan séra ra'ica makawoo tumawér sé tou itu. Mengu ré-uré kaséréano wutul é tou sapaoka séra itu ra'ica makailek in sapa-sapa, puté ka'i wo indior sé tou isuméréo si Yanes wo si Yambres ra'ica makailek in sapa-sapa.


Swiv nou:

Piblisite


Piblisite