Lukas 5:8 - En Taar Weru a nunuwu' é Tontemboan

⁸ An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Lukas 5:8 Referans Kwoze

Wahyu 1:17

An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,

Matius 17:6

Kelinga é telu murit i Yesus in suara itu, maindé'o séra akar icaruinsum an tana'.

Yohanes 11:32

An tutuw i Maria cateka' an tampa i Yesus makaento' wo sinérénao Sia, wo si Maria makala'us kumundu an dior ing kécéi i Yesus wo kumua ai Sia, “Tuang, sa Ko am bia'i, tantu si poowku ra'ica imaté.”

Matius 8:8

Taan icua i perwira itu, “Tuang, ra'ica patus aku tumerima si Tuang am baléku, taan icuao mai esa nuwu'ke', tantu si ataku masama' oka.

Matius 2:11

Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

1 Korintus 13:12

Intarépé', si Amang Kasuruan ra'ipé' katuusanta wutul, kaputé kita makaséré an cermin cumewuro, taan maai oka en témpona katuusanta oka Sia ang karapi im butul tanu kita menséréan en amo. Wo intarépé' andumoro' Sia ra'ipé' talos katuusanku, taan katuusanku oka Sia ang karapi i makakii-kiit, kaputé aku in esa wutul katuusan-Na.

Lukas 5:7

Wo kapéien éra sé kara-karapi éra an londéi walina wosama' séra mai sumémbong. Wo sé kara-karapi éra itu mai wo mewali-wali mumpun sé sera' asé rua londéi itu akar imawuta, akar sé londéi itu tawio tuminep.

Lukas 5:9

Si Simon icumua tanu siitu ampa'paan sia wo pakasa sé tou mewali-wali wo sia mangaya-ngaya'ka' isuméré ing kakeli é sera' sé kinatangkaan éra.