Lukas 5:7 - En Taar Weru a nunuwu' é Tontemboan

⁷ Wo kapéien éra sé kara-karapi éra an londéi walina wosama' séra mai sumémbong. Wo sé kara-karapi éra itu mai wo mewali-wali mumpun sé sera' asé rua londéi itu akar imawuta, akar sé londéi itu tawio tuminep.

Lukas 5:7 Referans Kwoze

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Kisah Para Rasul 11:25

Kekawus in itu si Barnabas tumela'u in Antiokhia wo mangé an Tarsus e mangéré si Saulus.

Markus 4:36

Kumawus in itu tela'u éra sé tou keli itu wo sumaké an londéi pakalukutan i Yesus. Si Yesus wo sé murit-Na lumondéio mangé, wo sé londé-londéi walina mekiito mangé wo iséra.

Lukas 5:6

Pakaémaan éra mako en airu'du' i Yesus wo séra makatangka' sera' kelian ulit akar en lolombo' éra tumo'tolo makésé'.

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”