Lukas 5:5 - En Taar Weru a nunuwu' é Tontemboan

⁵ Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”

Lukas 5:5 Referans Kwoze

Yohanes 2:5

Taan icua i inang-Na a sé tou sé mengaselewir am pésta itu, “Émaano mangé sapa si aicua i Yesus ai camu.”

Yohanes 15:14

Kamu itu kara-karapi-Ku, sa émaan iow sapa sé aiperénta-Ku ai camu.

Yohanes 21:3

Icua i Simon Petrus ai séra, “Icasalé'ku maangé en tumangka' sera'.” Icua éra ai sia, “Icami ka'i masalé' maangé wo ico.” Wo séra mangé, sumaké an londéi, taan asi wengi itu ra'ica wana sera' eng kinatangkaan éra.

Lukas 8:24

Wo si Yesus polon é murit-Na. Icua éra, “Guru, Guru, tawio maté kita!” Wo si Yesus mapolo, peréntan-Na en deges wo en lour itu wosama' menteng. Wo en lour itu wutu-wutul malener.

Lukas 17:13

wo séra maangko' mangé a si Yesus, “Yesus! Guru! Icaupusai kami!”

Lukas 9:33

An tutuw é rua tou itu tumela'uo woo si Yesus wo icua i Petrus a si Yesus, “Guru, arui keli kami asi tampa anio'. Lébé loor itoor ami telu ténda. Esa torona i Guru, esa torona i Musa wo si esa ka'i torona i Elia.” Taan ra'ica kailekan i Petrus sapa en aicuana itu.

Lukas 9:49

Icua i Yohanes a si Yesus, “Guru, sinéré ami si esa tou musér sétang maké i ngaran i Guru. Wo péronen ami sia wosama' ra'ica maké i ngaran i Guru ampa'paan sia itu ra'ica mengakiit icita.”

Lukas 8:45

Kumawus in itu icua i Yesus, “Si séi réén wona' e misu' Yaku?” Taan ra'ica wana mandé esake' tou e mangaku. Wo icua i Petrus ai Sia, “Guru, keli en tou meréngké-réngké'an an duru i Guru.”