Lukas 5:4 - En Taar Weru a nunuwu' é Tontemboan

⁴ Kekawus ako si Yesus masusui wo icua-Na a si Simon, “Simon, ilondéio mangé si londéi anio' an tampa rarem wo ilomboo mio' en lolombo'mu en tumangka' sera'.”

Lukas 5:4 Referans Kwoze

Yohanes 21:6

Wo icua i Yesus ai séra, “Ilomboo mio' en lolombo' miow ang kakan in londéi anio', kamu makéré oka sera'.” Wo ilombo' éra en lolombo' itu, wo ra'io kawéso'an éra en lolombo' itu ampa'paan kelian en sera' an untepna.

Matius 17:27

Taniitu ka'i wo icita, kita ro'nake' ra'ica mér im pajak im Balé Le'nas. Taan, wosama' kita ra'ica mamuali watu pasangkilan é tou matagi im pajak im Balé Le'nas, aweso taré ko mangéo mesi sera' an lour, si sera' kataré pinesimu, indonmu wo wukaan em ba'ba'na wo kaséréanmu oka roit epat dirham. Indono mio' en doit itu wo mangéo iwéé a sé tou matagi im pajak em bér im pajakta in dua.”

Lukas 5:5

Isowat i Simon, “Guru, sangawengio kami maéré-éré sera' taan ra'ica wana eng kinatangkaan ami. Taan, ampa'paan si Guru irumu'du' yaku, ilombo'ku sumawel en lolombo'.”