Lukas 5:38 - En Taar Weru a nunuwu' é Tontemboan

³⁸ Anaé, en anggor weru musti ipumpun asi papumpunan in anggor weru.

Lukas 5:38 Referans Kwoze

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Wahyu 21:5

Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Matius 9:17

Taniitu ka'i, ra'ica wana tou e mumpun in anggor weru an tampa matu'a si niéma' ang kulit i binatang owo, ampa'paan sa taniitu en tampa matu'a itu makenta' oka akar en anggor itu icatiya' wo en tampana itu ka'i materi. Taan en anggor weru ipumpun ka'i é tou an untep in tampa weru, wosama' en anggor wo en tampana tumang uré.”

Lukas 5:37

Taniitu ka'i, ra'ica wana esa tou e mumpun in anggor werupé' asi papumpunan in anggor uréo si niéma' ang kulit é binatang owo. Ampa'paan, sa en anggor weru itu sumepot, em papumpunan in anggor itu makenta'. Eng kasiwakanna en anggor itu icatiya' wo em papumpunan in anggor e niéma' ang kulit é binatang itu ka'i materi.

Lukas 5:39

Taniitu ka'i ra'ica wana mandé esake' tou si melepo in anggor uré wo masalé'pé' ka'i melep in anggor weru. Ampa'paan tantu icuana, ‘En anggor uré e numanamai wo in anggor weru.’ ”