Lukas 5:3 - En Taar Weru a nunuwu' é Tontemboan

³ Wo si Yesus sumaké asi esa londéi anu i Simon. Wo iru'du'-Na si Simon en tumuké in londéina wosama' tumayang toyo' an tembir in lour. Wo si Yesus lumukut an londéi itu wo sumusui a sé tou keli sé an tembir in lour.

Lukas 5:3 Referans Kwoze

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Markus 3:9

An tutuw sérén i Yesus taniitu eng kakeli é tou sé mai ai Sia, wo iru'du'-Na sé murit-Na tumu'tul in londéi en sakéan-Na, wosama' sé tou ra'ica ruméngké' Sia.

Markus 3:10

Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Lukas 5:2

Wo kaséréan i Yesus sé rua londéi an tembir in lour itu. Asi témpo itu sé tou matangka' sera' itumumpao an londéi wo ang karoro'ano i mawu'as in lolombo'.