Lukas 5:14 - En Taar Weru a nunuwu' é Tontemboan

¹⁴ Wo péronen i Yesus si tou itu wosama' tioo icuana a sé tou sapaoka si Yesus en isumama' in sakitna. Wo icua i Yesus, “Mangé ipapaturu' en owakmu a si imam wo mééo mio' raragés binatang pinokol tanu si aiperénta i Musa tanu tuus ai séra sa ko imasama'o.”

Lukas 5:14 Referans Kwoze

Lukas 17:14

Wo séra téintengen i Yesus wo icua-Na, “Mangém kamu a sé imam wo ituru'o mio' en owak iow ai séra.” Ang karoro'an éra i mawaya', séra imasama'o.

Matius 8:4

Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Markus 1:44

“Ta'néieno mangé, tioo icuamu a si séike' mangé sapa e mamuali ai co. Taan mangé ipapaturu' owo en owakmu a si imam. Wo mééo mio' raragés binatang pinokol si aiperénta i Musa, tanu tuus ai séra sa ko imasama'o.”

Matius 12:16

Wo pinéro-Na séra eng kumua andumoro' Sia,

Matius 9:30

Asi témpo ituke' séra ro'nao maséré. Wo ang kerapi in depet ilupu-Na ai séra, “Tioo ipakua-kua a si séike' mangé tumambisa em beren iow ro'na maséré.”

Lukas 9:5

Wo sa ra'ica wana en tumerima icamu, itela'uo mio' eng kota éra itu wo itangkaro mio' en awu ang kécéi iow, tanu tata'néi sapaoka séra ra'ica kiim tumerima si Amang Kasuruan.”

Markus 6:11

Taan sa asi esa tampa ra'ica kiim é tou tumerima wo ra'ica kiim luminga icamu, tela'uo mio' en tampa itu. Wo itangkaro' mio' en awu ang kécéi iow, tanu tata'néi ai séra.”

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Lukas 5:13

Kelinga in itu, yulur i Yesus eng kama-Na e misu' si tou itu wo kumua, “Icasalé'-Ku, masama'o ko.” Asi témpo ituke', icatalao en sakit kustana.