Lukas 4:35 - En Taar Weru a nunuwu' é Tontemboan

³⁵ Wo sia réndéren i Yesus, “Menes, kumesot ai sia ko!” Wo iwalintuang i sétang si tou itu an dior é tou keli wo sia kumesot asi tou itu taan en owak i tou itu ra'ica sapa-sapa.

Lukas 4:35 Referans Kwoze

Lukas 4:41

Wo a sé tou keli kumesot ka'i sé sétang wo mengangko-ngangko', “Icoo si Toyaang i Amang Kasuruan.” Wo péronen i Yesus séra, ra'ica iwéé-Na rumoma' ampa'paan kailekano éra sapaoka Sia itu si Kristus.

Lukas 4:39

Wo si Yesus mangé tumulung an duru i wéwéné itu wo yusér-Na en sakit paso' i inang émpo i Simon wo masama'. Si wéwéné itu makala'us tumoor wo selewiranna séra.

Matius 8:26

Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Wahyu 12:12

Ampa'paan in ituo éi sorga wo kamu im baya sé maento' an untepna maaru-aruio, éi camu sé ang katanaan wo sé an ta'sic icawangkuro! Ampa'paan kailekano i kikiiten é sétang sapaoka en témpona tawio maka'pu, wo tumumpao mai sia ai camu ang karapi i mae'bow keli.”

Lukas 11:22

Taan sa awéan esa tou en lébé keter mai sumundur wo kumala si makawalé itu, eng kasiwakana pakasa en lulutaw pawerotenna ro'na lumoindong isia, andéten oka i tou lébé keter itu. Wo pakasa eng kasiyaan sé an untep im balé itu rombiten oka i tou lébé keter itu wo yéké-ékéna a sé kara-karapina.

Lukas 9:42

An tutuw i toyaang itu mangé rumuru a si Yesus wo iwalintuang i sétang sia an tana' wo émaanna en owak i toyaang itu mene'da-ne'dai. Taan si sétang itu rinomaan i Yesus ang karapi in depet kumesot wo si toyaang itu makala'us masama'. Kumawus in itu isarakan sumawel i Yesus si toyaang itu a si amangna.

Lukas 9:39

An tutuw si sétang rumasuk ai sia, tumarépé'anke' sia mengangko-ngangko' wo en owakna ipawali-walintuang i sétang wo em ba'ba'na ka'i mengalewa'. Si sétang itu ra'ica mento' mengoko-ngokoi sia wo ra'ica kiim kumesot an owak i toyaangku itu.

Lukas 8:24

Wo si Yesus polon é murit-Na. Icua éra, “Guru, Guru, tawio maté kita!” Wo si Yesus mapolo, peréntan-Na en deges wo en lour itu wosama' menteng. Wo en lour itu wutu-wutul malener.

Markus 9:26

Wo kumesoto si roh léwo' itu mengangko-ngangko' wo ipego'go-go'go'na repet si toyaang itu. Sia kaséréan tanu matéo, akar keli tou makua, “Sia imatéo!”

Markus 1:26

Wo si tou itu ipego'go-go'go' i roh léwo', wo ang karapi i maangko' repet si roh léwo' itu kumesot asi tou itu.

Matius 17:18

Wo peréntan i Yesus ang karapi in depet si sétang itu wo sia kumesot asi toyaang itu. Wo asi témpo ituke', si toyaang itu makala'us masama'.

Markus 4:39

Si Yesus mapolo wo peréntan-Na en deges itu wo kumua asi lour itu, “Menes! Mentengo!” Wo en deges menteng wo en sempa' an lour itu wutu-wutul malener.

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”