Biblia Todo Logo
Bib sou entènèt

- Piblisite -




Lukas 4:18 - En Taar Weru a nunuwu' é Tontemboan

18 “E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Gade chapit la Kopi




Lukas 4:18
56 Referans Kwoze  

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.


Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.


Wo en ai sowat i Yesus ai séra, “Maréngo mangé a si Yohanes Mabaptis wo icuao mio' ai sia sapa sé sinéréo miow wo sé liningao miow: si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.”


e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’


Yaku mayo ang kayo'baan anio' e mamuali sendot a sé tou, wosama' sé tou maéman a Yaku ra'ica mento' ang kariréimbengan.


Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.


Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.


Sé tou sé menonou ang kariréimbengan isuméréo in Sendot wangko', wo séra sé maento' an tampa si kinawasa im papaté, ai séra mantango mai en Sendot.”


“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.


Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.


Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.


Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.


Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).


En saraw imeku' ra'ica lala'usen-Na in lumentu', wo en embung in sosoloan si mape'delo ra'ica lala'usen-Na i me'del, akar Sia muntung wo méé tuus sapaoka Sia ra'ica marapit.


En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.


“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.


Wo awéan e iméé ai Sia kitap ginulung, an untepna pinatican i nunuwu' i nabi Yesaya. Wukaan i Yesus eng kitap ginulung itu wo sérén-Na e nats aipatic in tana'i,


Sé kolano ang kayo'baan matu'tu-tu'tulo wo sé kikiiten mali'uso en sumundur si Casuruan wo si Mesias.’


Swiv nou:

Piblisite


Piblisite