Lukas 3:22 - En Taar Weru a nunuwu' é Tontemboan

²² wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Lukas 3:22 Referans Kwoze

Yohanes 1:32

Sisil ka'i i Yohanes sapa sé sinérénao in esa wo icuana, “Sinéréku e Roh i Amang Kasuruan tanuoka mombo tumumpa mai an langit owo wo tumeka' am bawo-Na.

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

1 Petrus 2:4

Siituo kamu mayo a si Yesus. Sia ayandé tanu watu i menonou ampa'paan sé tou ro'na émaan-Na menonou. Sia ayandé tanu watu si aitiya' é tou, taan an dior i Amang Kasuruan sia sinisir wo siniri' tanu watu sosor em bééna.

Matius 12:18

“Séréno, si anioo si Ata-Ku si sinisir-Ku, si caupus-Ku, Sia itu mengaarui in até-Ku. Iwéé-Ku oka e Roh-Ku ai Sia, wo Sia oka eng kumua sapaoka si Amang Kasuruan maai oka makim sé bangsa ra'ica tou Yahudi ang karapi ra'ica mengarapit.

Kolose 1:13

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.

Lukas 4:21

Wo si Yesus tumo'tolo sumusui ai séra in tana'i, “Asi endo anio', imalekepo e nats sé aipatic an untep ing Kitap Le'nas an tutuw iow iluminga sé binaca-Ku.”

Matius 27:43

Sia maéman a si Amang Kasuruan, wo isumangkumo icumua sa Sia itu Toyaang i Amang Kasuruan. Anaé, intarépé' mandéo Sia lowiren i Amang Kasuruan, sa icasalé'-Na.”

Matius 3:13

An tutuw itu, si Yesus an sangkum ing Galilea wo mangé an doyongan Yordan. Sia mangé a si Yohanes wosama' Sia ro'na baptisenna.

Matius 3:16

Kumawusai nibaptis, si Yesus makala'us kumesot an dano wo asi témpo ituke' en langit mawuka' wo kaséréan-Na e Roh i Amang Kasuruan tanuoka mombo tumumpa mai ai Sia.

Markus 1:9

An tutuw itu, si Yesus mai a Nazaret owo an sangkum ing Galilea, wo Sia baptisen i Yohanes an doyongan Yordan.

Markus 1:11

Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”

Markus 9:7

Wo tumumpao mai eng kambung lumoindong iséra. Wo an untep ing kambung itu kalingaan en suara, “Si anioo si Toyaang-Ku, si caupus-Ku, lingano mangé Sia!”

Lukas 2:14

“Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Yohanes 5:37

Wo si Amang-Ku si mutusai Yaku, Siao in esa e iméé ing kasairian sa si séi Aku en ulitna. Kamu ra'ipé' kawisa luminga Sia maroma' ai camu wo ra'ipé' sumangkum ka'i suméré in amo-Na,

Yohanes 12:28

O Amang, ituru'o mai a sé tou eng kawangko' ing kawasa-Mu.” Wo kalingaan en suara an sorga owo, “Aituru'-Kuo eng kawangko' ing kawasa-Ku wo ituru'-Ku oka ka'i sumawel eng kawangko' ing kawasa-Ku itu.”