Lukas 3:14 - En Taar Weru a nunuwu' é Tontemboan

¹⁴ Wo awéan ka'i sé suraro am bitu mamuéi a si Yohanes, “Tambisa andumoro' icami, sapa si musti émaan ami?” Isowatna, “Tioo kamu mesusa sé tou torona makéré kauntu- ngan wo tioo mengaandét in doit é tou wo matudu sé ra'ica wutul ai séra. Taan takurake' eng kéréan iow asi laasa in tinawoi miow terimano mangé en itu.”

Lukas 3:14 Referans Kwoze

Filipi 4:11

En icuaku anio' ra'ica ampa'paan ing kaperluanku ra'ipé' maawes, ampa'paan aku manaramo menonou asi sapake' si awéan a yaku.

Lukas 19:8

An tutuw i Yesus am balé i Zakheus wo sia tumulung wo kumua a si Apo' Yesus, “Tuang! Sangaperua ing kasiyaanku, iwééku oka a sé tou lengéi. Wo si séike' mangé si sumangkumo niuwak wo niindoanku in doit, iwaréngku oka sumawel ai sia makaepat lumepet!”

Wahyu 12:10

Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Titus 2:3

Taniitu ka'i sé wéwéné matu'ao, sina'uenmu mangé séra wosama' musti mengaapo' kumiit ing kasalé'an i Casuruan. Séra ka'i ra'ica toro mengawuruk i ngaran é tou wo ra'ica tansaléén in elepen mengalangu. Aweso taré séra itu mengasusui angé sé loor a sé tou.

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

Kisah Para Rasul 10:7

An tutuw i malaékat itu tumela'u si Kornelius, wo towanna sé rua tou atana wo si esa suraro si mengakawal sia. Si suraro itu tou le'tek mengakiit ing kasalé'an i Amang Kasuruan.

Matius 8:5

An tutuw i Yesus muntep ang Kapernaum, mai si esa perwira meta'up wo Sia, wo mekiupus,

Lukas 3:10

Wo sé tou keli itu mamuéi a si Yohanes, “Sa réén taniitu, sapa e musti émaan ami?”

Lukas 3:13

Isowatna, “Tioo matagi im pajak lumébémai eng kakeli wo si aitantuo é maperénta.”