Lukas 3:12 - En Taar Weru a nunuwu' é Tontemboan

¹² Sé matagi im pajak ka'i mai mapabaptis a si Yohanes. Wo séra mamuéi a si Yohanes, “Guru, sapa e musti émaan ami?”

Lukas 3:12 Referans Kwoze

Lukas 7:29

Wo pakasa sé tou iluminga in aicua i Yesus, wo ka'i sé tou matagi im pajak, makua sapaoka si Amang Kasuruan itu wutul. Ampa'paan séra im baya imééo in owak em baptisen i Yohanes Mabaptis.

Lukas 18:13

Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Matius 5:46

Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Lukas 3:10

Wo sé tou keli itu mamuéi a si Yohanes, “Sa réén taniitu, sapa e musti émaan ami?”

Lukas 3:13

Isowatna, “Tioo matagi im pajak lumébémai eng kakeli wo si aitantuo é maperénta.”

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”