Lukas 24:52 - En Taar Weru a nunuwu' é Tontemboan

⁵² Wo séra kumundu maapo' ai Sia wo séra maréng angé an Yerusalem mawuta-wuta ing kaaruian.

Lukas 24:52 Referans Kwoze

Matius 28:9

Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Matius 28:17

Icateka' mangé am bitu, kaséréan érao si Yesus wo séra kumundu en sumiri' Sia, taan awéané' piraan tou sé ra'ipé' talos mercaya.

Yohanes 16:7

Taan en aicua-Ku anio' wutul, lébé awéan eng katoronaan ai camu sa Aku maangém a si Amang, ampa'paan sa Aku ra'ica maangé, si Roh Matawang itu ra'ica kawisa maai ai camu. Taan sa Aku maangém, yutus-Ku oka mai Sia ai camu.

Lukas 24:51

An tutuw Sia kumamang iséra, tumo'tolo Sia icaangkai angé an sorga akar imetalicur wo iséra.

Lukas 24:53

Susur in endo séra mengaangé am Balé Le'nas e rumayo wo sumiri' si Amang Kasuruan.

Kisah Para Rasul 1:12

Kumawusai in itu, sé ruru'du'an itu meroso an Tolaina in Zaitun wo maréng angé sumawel an Yerusalem. Eng katayangna in tolaina itu wayake' wona' in esa kilometer an Yerusalem.