Lukas 23:27 - En Taar Weru a nunuwu' é Tontemboan

²⁷ Keli en tou sé makiit an somoi i Yesus. An uner éra awéan piraan wéwéné sé mengamé-ngamé' akar in sesendu'an oka ampa'paan en até éra wendu ulit.

Lukas 23:27 Referans Kwoze

Lukas 8:52

Pakasa sé tou mengamé-ngamé' wo masesendu'an repet a si toyaang itu. Taan icua i Yesus, “Nomo mengamé-ngamé'! Si toyaang itu ra'ica imaté, taan asalo tumekel.”

Lukas 8:2

Taniitu ka'i sé piraan wéwéné sé sumangkumo sinama'-Na asé roh léwo' wo in sakit, icumiit ka'i si Yesus. Esaan ai séra awéan si makangaran Maria tou Magdala si sinama'-Nao asé pitu roh léwo'.

Markus 15:40

Asi témpo itu ka'i awéan piraan wéwéné sé makaséré an tayang an tutuw i Yesus aisalip. Séra itu si Maria tou Magdala, si Maria inang i Yakobus wo'bas wo si Yoses, wo ka'i si Salome.

Lukas 23:55

Wo sé wéwéné sé imai ang Galilea owo sé mewali-wali wo si Yesus an tutuw Sia menonoué', séra kumiit ka'i ang karapi i Yusuf wo suméré ing kubur itu. Séra ka'i suméré tambisa e mayat i Yesus aitekel.

Matius 27:55

Wo am bitu ka'i kelian wéwéné sé makaséré an tayang, sérao sé wéwéné makii-kiit si Yesus tumo'tolke' mai ang Galilea owo e sumelewir Sia.

Matius 11:17

‘Pasengon ami em peloit torona miow, taan ra'ica kiim iow maéngké. Pakantar ami eng kakantaren mala'lu, taan ra'ica kiim iow maamé'.’

Lukas 23:28

Wo si Yesus suméléng ai séra wo kumua, “Éi wéwéné-wéwéné Yerusalem! Tioo paamé'an iow Aku. Taan amé'ano mio' en owak iow in esa wo sé toyaang iow!

Yohanes 16:20

En ulitna icua-Ku mangé ai camu, an tutuw-Ku i maangém a si Amang, paamé'an iow oka Aku akar in sesendu'an, taan sé tou ang kayo'baan sé ra'ica maéman a Yaku maaru-arui oka. Wo kamu mawendu oka, taan eng kawenduan iow sawelan oka mai ing kaaruian.