Lukas 23:26 - En Taar Weru a nunuwu' é Tontemboan

²⁶ Wo si Yesus iwali é suraro Romawi kumesot ang kota Yerusalem. An uner in lalan séra meta'up wo si esa tou makangaran Simon tou Kirene si ang karoro'an i meuntep ing kota. Wo tangen éra sia wo papawuléng éra en salip i Yesus, akar wuléngenna en salip itu wo mawaya' an somoi i Yesus.

Lukas 23:26 Referans Kwoze

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Kisah Para Rasul 6:6

Sé pitu tou itu iwali éra a sé sangapulu' rua ruru'du'an wo séra maro ing kama an dangka' é pitu tou itu wo sumombayang.

Kisah Para Rasul 2:10

Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Lukas 14:27

Si séike' si ra'ica muléng in salipna in esa wo ra'ica kumiit Yaku, sia ra'ica toro mamuali murit-Ku.

Lukas 9:23

Wo icua ka'i i Yesus ai séra im baya, “Si séi e masalé' kumiiit Yaku, sia ra'ica toro kumiit ing kasalé'anna in esa, sia musti muléng in salipna susur in endo wo kumiito mai Yaku.

Kisah Para Rasul 13:1

An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

Lukas 23:25

An tutuw itu si Barabas an untep im bui ampa'paan masundur sé pemerénta wo ka'i maté tou, anaé sia iwekar i Pilatus iciit in aituntut éra. Taan si Yesus aisarakanna a sé tou keli wosama' okoien éra kiit ing kasalé'an éra.

Matius 5:41

Si séike' mangé en lumesé' icamu e maya' esa kilometer, maya'o mangé ang karapina rua kilometer eng katayang.