Lukas 23:25 - En Taar Weru a nunuwu' é Tontemboan

²⁵ An tutuw itu si Barabas an untep im bui ampa'paan masundur sé pemerénta wo ka'i maté tou, anaé sia iwekar i Pilatus iciit in aituntut éra. Taan si Yesus aisarakanna a sé tou keli wosama' okoien éra kiit ing kasalé'an éra.

Lukas 23:25 Referans Kwoze

Kisah Para Rasul 3:14

Taan aicélongo miow Sia si Le'nas wo si mengaéma' im butul. Wo pinangilek iowke' si mengapaté tou si wekar.

Markus 15:15

Eng kasiwakana, ampa'paan si Pilatus masalé' marui in até é tou keli, iwekarna si Barabas torona éra. Wo peréntanna sé pengawal sumambok si Yesus, wo isarakanna e mangé isalip.

Yohanes 18:40

Wo ayangko' érake', “Tioo si Tou itu! Iwekaro si Barabas!” Si Barabas itu tou mengarampok.

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Matius 27:26

Kelinga in itu, wo iwekarna si Barabas torona éra, taan peréntanna sé pengawal sumambok si Yesus wo isarakanna e mangé isalip.

Lukas 23:24

Wo énan i Pilatus sapa en tinuntut é tou keli itu.

Lukas 23:26

Wo si Yesus iwali é suraro Romawi kumesot ang kota Yerusalem. An uner in lalan séra meta'up wo si esa tou makangaran Simon tou Kirene si ang karoro'an i meuntep ing kota. Wo tangen éra sia wo papawuléng éra en salip i Yesus, akar wuléngenna en salip itu wo mawaya' an somoi i Yesus.

Yohanes 19:16

Wo isarakan i Pilatus si Yesus a sé suraro e mangé isalip. Wo si Yesus iwali é suraro e mangé isalip.