Lukas 22:29 - En Taar Weru a nunuwu' é Tontemboan

²⁹ Ampa'paan in ituo, wéan-Ku oka hak kamu eng kumawasa tanu kolano, meputé si Amang-Ku iméé hak a Yaku eng kumawasa tanu Kolano.

Lukas 22:29 Referans Kwoze

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Matius 24:47

En ulitna icua-Ku mangé ai camu, si ata itu angkaien oka i tuangna wo mamuali mandor am pakasa ing kasiyaanna.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Lukas 19:17

Wo icua i tuang itu a si ata itu, ‘Wutu-wutul loor e niéma'mu itu. Ico ata loor wo le'tek. Ampa'paan ko ro'na tinokéan in tawoien teké', anaé wéanku ko kawasa e merénta sangapulu' kota.’

1 Petrus 5:4

Wo an tutuw i Yesus si Gembala Wangko' imayo sumawel, kamu makéré oka mahkota a rarayo wo in sisiri' ai Sia. Siituo e mahkota si ra'ica materi.

1 Korintus 9:25

Susur in tou sé kumiit mekowa' musti tumang in owak am baya-waya. Sia méma' tanu siitu ampa'paan sia masalé' makéré mahkota si rior maweles. Taan kita anio' talesen matang in owak am baya-waya ampa'paan kita masalé' makéré mahkota si ra'ica maweles akar ing kauré-uré.

2 Korintus 1:7

Kamu uli-ulit percayan ami, ampa'paan kailekan ami sapaoka kamu mendamo mai ing kawenduan tanu im pinendam ami mai, anaé kamu tantu makéré oka pangiboran kaputé im pangiboran si sinangkum ami.

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Matius 5:10

Pakakamangen sé tou paoko-okoien ampa'paan maéma' ing kasalé'an i Amang Kasuruan, ampa'paan sérao e makaanu ing Kakolanoan in Sorga.

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’