Lukas 22:2 - En Taar Weru a nunuwu' é Tontemboan

² Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Lukas 22:2 Referans Kwoze

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Matius 12:14

Wo sé tou Farisi itu kumesot am balé paapo'an, séra mepaar tumambisa e maté si Yesus.

Kisah Para Rasul 4:27

En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.

Matius 21:38

Taan an tutuw i toyaang i makauma itu sérén é matawoi in uma itu wo séra mengkuanan, ‘Siao e makaanu in uma anio' sa. Mayoo paténta sia wo en uma anio' mamuali oka anuta.’

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.