Lukas 21:37 - En Taar Weru a nunuwu' é Tontemboan

³⁷ Susur in endo si Yesus masusui am Balé Le'nas wo an tutuw imawengio, Sia mangé mento' an Tolaina in Zaitun.

Lukas 21:37 Referans Kwoze

Lukas 22:39

Kumawusai in itu, si Yesus mangé ang kesot ing kota wo mangé an Tolaina in Zaitun tanu ing kanaramen-Na. Sé murit-Na ka'i kumiit angé Sia.

Markus 11:19

Ampa'paan i mekeremo, si Yesus wo sé murit-Na kumesot an Yerusalem.

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 21:17

Kumawus in itu, itela'u-Na séra. Sia kumesot in Yerusalem mangé an doong Betania wo Sia mento' sanga wengi am bitu.

Matius 21:1

An tutuw i Yesus wo sé murit-Na tawio in Yerusalem wo icateka' am Betfage si an Tolaina in Zaitun, wo ru'du'-Na sé rua murit-Na.

Kisah Para Rasul 1:12

Kumawusai in itu, sé ruru'du'an itu meroso an Tolaina in Zaitun wo maréng angé sumawel an Yerusalem. Eng katayangna in tolaina itu wayake' wona' in esa kilometer an Yerusalem.

Yohanes 12:1

Enemé' ngando ka'i en témpona in endo wangko' Paska, si Yesus icateka'o an doong Betania am paento'an i Lazarus si tou tinou sumawel i Yesus am papaté.

Lukas 19:37

An tutuw Sia matawio in Yerusalem, an lalan maperos in Tolaina in Zaitun, pakasa é tou sé makiit Sia tumo'tolo maaru-arui wo marayo-rayo si Amang Kasuruan in suara taangko' ampa'paan pakasa eng kakaya'kaan sé sinéréo éra.

Markus 11:12

Mando mai, si Yesus wo sé murit-Na kumesot am Betania. An uner in lalan, si Yesus makapendamo in arem.

Matius 26:30

Kekawus éra kumantar ing kakantaren rarayoan wo si Yesus wo sé murit-Na mangé an Tolaina in Zaitun.

Markus 14:49

Susur in endo penéré-nérén iow Aku masusui am Balé Le'nas, wo ra'ica tinangka' miow Aku. Taan mémang taniitu, wosama' en aipatic ang Kitap Le'nas musti lekepen.”

Lukas 19:29

An tutuw matawio im Betfage wo im Betania sé roong an Tolaina si makangaran Zaitun, si Yesus rumu'du' sé rua murit-Na.

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Yohanes 18:2

Si Yudas, si tou eng kumianat si Yesus, makailek ka'i in tampa itu, ampa'paan si Yesus wo sé murit-Na makakeli-keli mali'us am bitu.